കൊച്ചി: യാത്രക്കാരുടെ ശ്രദ്ധയ്ക്ക് ട്രെയിനുകള്‍ റദ്ദാക്കി. ട്രാക്ക് നവീകരണം, പാത ഇരട്ടിപ്പിക്കല്‍ എന്നീ ജോലികള്‍ നടക്കുന്നതിനാല്‍ കോട്ടയം വഴിയുള്ള കോട്ടയം-കൊല്ലം പാസഞ്ചര്‍ (56393), കൊല്ലം-കോട്ടയം പാസഞ്ചര്‍ (56394) എന്നിവ ഈ മാസം 11 വരെയും എറണാകുളം-കായംകുളം പാസഞ്ചര്‍ (56387), കായംകുളം-എറണാകുളം പാസഞ്ചര്‍ (56388) എന്നിവ ഞായറാഴ്ചയും ഒന്‍പത്, പത്ത് തീയതികളിലും റദ്ദാക്കിയതായി അധികൃതര്‍ അറിയിച്ചു. ഈ നാല് ട്രെയിനുകള്‍ ശനിയാഴ്ചയും റദ്ദു ചെയ്തിരുന്നു.
