തിരുവനന്തപുരം : മികച്ച സാമൂഹ്യ ക്ഷേമ റിപ്പോർട്ടിംഗിനുള്ള തിക്കുറിശ്ശി ഫൗണ്ടേഷൻ മാധ്യമ പുരസ്കാരം മംഗളം റിപ്പോർട്ടർ അയ്യൂബ് ഖാൻ കേന്ദ്ര ഐ.ടി വകുപ്പ് മന്ത്രി രാജീവ് ചന്ദ്രശേഖ റിൽ നിന്ന് ഏറ്റുവാങ്ങി. മഹാത്മാ അയ്യൻകാളി (വി.ജെ.റ്റി) ഹാളിൽ തിക്കുറിശ്ശി സുകുമാരൻ നായർ അനുസ്മരണവും 16-ാമത് മാധ്യമ പുരസ്കാര വിതരണവും നടന്ന ചടങ്ങിലാണ് മംഗളത്തിലെഴുതിയ – ജോലിഭാരം താങ്ങാനാവാതെ വില്ലേജ് ഓഫീസുകൾ – എന്ന റിപ്പോട്ടിഗിന് അയ്യൂബ് ഖാന് പുരസ്കാരം ലഭിച്ചത്. കാൽ നൂറ്റാണ്ടോളമായി മാധ്യമ രംഗത്തെ സജീവ പ്രവർത്തകനാണ് അയ്യൂബ് ഖാൻ.
തിക്കുറിശ്ശി ഫൗണ്ടേ ഷൻ അനുസ്മരണ സമ്മേളനം മന്ത്രി രാജീവ് ചന്ദ്രശേഖറാണ് ഉദ്ഘാടനം ചെയ്തത്. ഫൗണ്ടേഷൻ ചെയർമാൻ ബേബിമാത്യു സോമതീരം അധ്യക്ഷത വഹിച്ച ചടങ്ങിൽ മറ്റു മാധ്യമപ്രവർത്തകർക്കുള്ള പുരസ്കാരങ്ങളും മന്ത്രി വിതരണം ചെയ്തു. ഫൗണ്ടേഷൻ സെക്രട്ടറി രാജൻ വി.പൊഴിയൂർ, പ്രസിഡണ്ട് ബി.മോഹനചന്ദ്രൻ നായർ, കേരള ഭാഷാ ഇൻസ്റ്റിറ്റ്യൂട്ട് മുൻ ഡയറക്ടർഡോ. എം. ആർ. തമ്പാൻ, റിട്ട. സ്പെഷ്യൽ സെക്രട്ടറി കെ സുദർശനൻ, ഫൗണ്ടേഷൻ വൈസ് പ്രസിഡൻ്റ് ഡോ. പ്രഭാകരൻ പയ്യാടക്കൻ, കൺവീനർ രാധാകൃഷ്ണൻ കറുകപിള്ളി,ജോയിൻറ് സെക്രട്ടറിശശിഫോക്കസ്, രഷ്മി ആർ ഊറ്ററ,ദിവ്യ വെെദേഹി എന്നിവർ പങ്കെടുത്തു.
