ബാങ്കോക്ക് • തായ്ലന്ഡ് രാജാവ് ഭൂമിബോല്‍ അതുല്യതേജ് (88) അന്തരിച്ചു. കഴിഞ്ഞ 70 വര്‍ഷമായി തായ്ലന്‍ഡിലെ രാജാവായിരുന്നു ഇദ്ദേഹം. ആധുനികകാലത്ത് ഏറ്റവും കൂടുതല്‍ കാലം ഒരു രാജ്യത്തിന്റെ ഭരണാധികാരിയായിരുന്നയാളാണ് അതുല്യതേജ്. ഛാക്രി രാജവംശത്തിലെ ഒന്‍പതാമത്തെ രാജാവായിരുന്ന ഇദ്ദേഹം, തായ്ലന്ഡ് ജനതയ്ക്ക് ഏറെ പ്രിയങ്കരനായിരുന്നു. കുറച്ചുകാലമായി അനാരോഗ്യം നിമിത്തം പൊതുചടങ്ങുകളില്‍ പങ്കെടുക്കാറുണ്ടായിരുന്നില്ല.രാഷ്്ട്രീയ സംഘര്‍ഷങ്ങളും സൈനിക അട്ടിമറികളും ഏറെ കണ്ടിട്ടുള്ള തായ്ലന്‍ഡിന് രാഷ്ട്രീയ സ്ഥിരത നല്‍കുന്നതില്‍ നിര്‍ണായക സാന്നിധ്യമായിരുന്നു അദ്ദേഹം. തായ്ലന്‍ഡിലെ രാജകുമാരനായ മഹാ വജിറാലോങ്കോണ്‍ ആയിരിക്കും ഭൂമിബോല്‍ അതുല്യതേജ് രാജാവിന്റെ പിന്‍ഗാമിയെന്ന് പ്രധാനമന്ത്രി അറിയിച്ചു.
