പാലാ: ബിഷപ്പ് മാര്‍ എബ്രഹാം മറ്റം (98) കാലംചെയ്തു. എറണാകുളം ഇടപ്പള്ളി വിൻസെൻഷ്യൻ ആശ്രമത്തിൽ ചൊവ്വാഴ്ച രാവിലെയായിരുന്നു അന്ത്യം. ആശ്രമത്തിൽ വിശ്രമജീവിതം നയിച്ചു വരികയായിരുന്നു. പാലാ നരിയങ്ങാനം സ്വദേശിയാണ് അദ്ദേഹം.
സീറോ മലബാര്‍ രൂപതയുടെ കീഴിലുള്ള മധ്യപ്രദേശിലെ സത്‌ന രൂപതയുടെ പ്രഥമ ബിഷപ്പായിരുന്നു വിന്‍സന്‍ഷ്യന്‍ സന്യാസ സഭാംഗമായ എബ്രഹാം മറ്റം.1968 മുതല്‍ സത്‌ന രൂപതയുടെ അപ്പസ്‌തോലിക് എക്‌സാര്‍ക്ക് ആയിരുന്ന അദ്ദേഹം 1977 മുതല്‍ 1999 വരെ രൂപതയെ നയിച്ചു. 1950 മാർച്ച് 15 ന് അദ്ദേഹം വിൻസൻഷ്യൻ സഭയിലെ വൈദികനായി.1999 ഡിസംബര്‍ 18 ന് ഔദ്യോഗിക പദവികളില്‍ നിന്നും വിരമിച്ചു.
