പയ്യന്നൂര്‍: സി പി എം ഓഫീസിന് നേരെ ബോംബെറിഞ്ഞ കേസിൽ ബി.ജെ.പി, ആര്‍.എസ്.എസ് പ്രവര്‍ത്തകർ അറസ്റ്റ് ചെയ്തു സെപ്റ്റംബര്‍ 18ന് പുലര്‍ച്ച 1.30 ഓടെയാണ് സംഭവം.
കുഞ്ഞിമംഗലം സി.പി.എം നോര്‍ത്ത് ലോക്കല്‍ കമ്മിറ്റി ഓഫിസായി പ്രവര്‍ത്തിക്കുന്ന കണ്ടംകുളങ്ങരയിലെ പി. ഭരതന്‍ സ്മാരക മന്ദിരം ബോംബെറിഞ്ഞ് തകര്‍ത്ത കേസില്‍ ബി.ജെ.പി, ആര്‍.എസ്.എസ് പ്രവര്‍ത്തകർ രാമന്തളി ചിറ്റടി സ്വദേശികളായ യുവമോര്‍ച്ച പയ്യന്നൂര്‍ മണ്ഡലം പ്രസിഡന്‍റ് ടി.വി. വിജിതാശ്വ കുമാര്‍ (31), ആര്‍.എസ്.എസ് പ്രവര്‍ത്തകരായ സി. സുകേഷ് (28), ടി.വി. അഖില്‍ രാജ് (24) എന്നിവരെയാണ് പയ്യന്നൂര്‍ പ്രിന്‍സിപ്പല്‍ എസ്.ഐ പി. ബാബുമോന്‍ അറസ്റ്റ് ചെയ്തത്.
രണ്ട് ബൈക്കുകളും കസ്റ്റഡിയിലെടുത്തിട്ടുണ്ട്. ഓഫിസിന് സമീപത്തെ സി.സി.ടി.വി ദൃശ്യങ്ങളും നിരവധി ഫോണ്‍ കാളുകളും പരിശോധിച്ചാണ് പ്രതികളിലേക്കെത്തിയതെന്ന് പൊലീസ് പറഞ്ഞു.
