റിയോ ഡി ജനീറോ: ഫൈനലില്‍ എതിരാളികളായി കിട്ടണമെന്നും വിജയം ബ്രസീലിനായിരിക്കുമെന്നതില്‍ സംശയമൊന്നുമില്ലെന്നും ബ്രസീല്‍ സൂപ്പര്‍ താരം നെയ്മര്‍ . പെറുവിനെ തോല്‍പ്പിച്ച്‌ കോപ്പ അമേരിക്ക ഫൈനലിലെത്തിയതിന് പിന്നാലെ എതിരാളിയെക്കുറിച്ചുള്ള ആഗ്രഹം പങ്കുവെച്ച്‌ നെയ്മര്‍.
2007 കോപ്പയിലാണ് അര്‍ജന്‍റീനയും ബ്രസീലും അവസാനമായി ഫൈനലില്‍ ഏറ്റുമുട്ടിയത്. അന്ന് എതിരില്ലാത്ത മൂന്നു ഗോളുകള്‍ക്ക് ബ്രസീല്‍ വിജയിച്ചിരുന്നു. കഴിഞ്ഞ കോപ്പയില്‍ സെമിഫൈനലില്‍ ഇരുടീമുകളും ഏറ്റുമുട്ടിയ പ്പോള്‍ എതിരില്ലാത്ത രണ്ടുഗോളുകള്‍ക്ക് ജയം ബ്രസീലിനൊപ്പമായിരുന്നു.
അര്‍ജന്‍റീനയും കൊളംബിയയും തമ്മിലുള്ള രണ്ടാം സെമി ഫൈനല്‍ ബുധനാഴ്ച നടക്കാനിരിക്കവേയാണ് നെയ്മറിന്‍റെ സൗഹൃദത്തില്‍ ചാലിച്ച വെല്ലുവിളി. ”എനിക്ക് ഫൈനലില്‍ അര്‍ജന്‍റീനയെ വേണം, ഞാന്‍ അവരോടൊപ്പ മാണ്. എനിക്ക് അവിടെ സുഹൃത്തുക്കളുണ്ട്. പക്ഷേ ഫൈനല്‍ വിജയിക്കുന്നത് ബ്രസീലായിരിക്കും”- നെയ്മര്‍ ചിരിച്ചുകൊണ്ട് പറഞ്ഞു.
