കോട്ടയം: വാര്‍ധക്യ സഹജമായ അസുഖത്തെ തുടര്‍ന്ന് സെഞ്ചുറി ഫിലിംസ് ഉടമയും പ്രമുഖ സിനിമ നിര്‍മാതാവുമായ രാജു മാത്യു (82) അന്തരിച്ചു. കോട്ടയത്തെ സ്വകാര്യ ആശുപത്രിയില്‍ വച്ചായിരുന്നു അന്ത്യം. ഫിലിം ചേംബര്‍ ഓഫ് കോമേഴ്‌സ് മുന്‍ പ്രസിഡന്‍റ് ആയിരുന്നു.
പിന്‍ നിലാവ് (1983), അവിടത്തെപോലെ ഇവിടെയും (1985), വൃത്തം (1987), മുക്തി (1988), കുടുംബ പുരാണം (1988), തന്മാത്ര (2005), മണിരത്‌നം (2014) തുടങ്ങിയ ചിത്രങ്ങളുടെ നിര്‍മാതാവാണ്. ഫഹദ് ഫാസില്‍ നായകനായ ‘അതിരനാണ്’ അവസാനമായി നിര്‍മിച്ച ചിത്രം. തീയേറ്ററില്‍ വിതരണത്തിന് തയാറാകുന്ന ‘കുഞ്ഞല്‍ദോ’യുടെ ചിത്രീകരണം നടക്കുകയായിരുന്നു.
പരേതയായ ലില്ലി മാത്യുവാണ് ഭാര്യ. അഞ്ജന ജേക്കബ്, രഞ്ജന മാത്യു എന്നിവര്‍ക്ക് മക്കളാണ്.
