കൊച്ചി : ഇടുക്കി, ഇടമലയാര്‍ അണക്കെട്ടുകള്‍ തുറന്നതോടെ നെടുമ്പാശ്ശേരി വിമാനത്താവളത്തില്‍ വിമാന സര്‍വീസ് ഭാഗികമായി നിര്‍ത്തി. ഉച്ചയ്ക്ക് 1.10 മുതല്‍ വിമാനങ്ങളുടെ ലാന്‍ഡിങ് താല്‍ക്കാലികമായി നിര്‍ത്തിവച്ചു. എന്നാല്‍ ഇവിടെ നിന്ന് വിമാനങ്ങള്‍ പുറപ്പെടുന്നതിന് തടസ്സമില്ല. പെരിയാര്‍ കര കവിഞ്ഞ് ചെങ്കല്‍ത്തോടും കവിഞ്ഞൊടുകിയതോടെയാണ് ലാന്‍ഡിങ് നിര്‍ത്തിയത്. റണ്‍വേയില്‍ വെള്ളം കയറിയിട്ടില്ല. എന്നാല്‍ ചുറ്റുമതിലിന് പുറത്ത് വെള്ളം നിറഞ്ഞിട്ടുണ്ട്. റണ്‍വേയില്‍ നനവുണ്ടോ എന്ന പരിശോധനയ്ക്ക് ശേഷമേ ഇനി വിമാനം ലാന്‍ഡിങ്ങിന് അനുവദിക്കൂ .
