കോഴിക്കോട്: കൊടുവള്ളി കരുവംപൊയില്‍ എസ്ഡിപിഐ-എല്‍ഡിഎഫ് പ്രവര്‍ത്തകര്‍ തമ്മില്‍ സംഘര്‍ഷം. കരുവംപൊയില്‍ സര്‍ക്കാര്‍ ഹയര്‍ സെക്കന്‍ഡറി സ്കൂളിലെ ബൂത്തിന് സമീപമാണ് സംഘര്‍ഷമുണ്ടായത്. പോലീസ് സ്ഥലത്തെത്തി പ്രവര്‍ത്തകരെ പിരിച്ചുവിട്ടു.
കൊടുവള്ളി നഗരസഭയിലെ 16, 17, 19 വാര്‍ഡുകളിലെ ബൂത്തുകളാണ് ഈ സ്കൂളില്‍ ക്രമീകരിച്ചിരിക്കുന്നത്. പോലീസ് സ്ഥലത്തെത്തിയതോടെയാണ് സ്ഥിതി നിയന്ത്രണ വിധേയമായത്.ഏതാണ്ട് അര മണിക്കൂര്‍ നേരം സംഘര്‍ഷം നീണ്ടുനിന്നു. നേതാക്കള്‍ അടക്കമുള്ളവര്‍ പ്രദേശത്തെത്തിയിട്ടുണ്ട്. നിലവില്‍ സ്ഥിതി ശാന്തമാണെങ്കിലും പൊലീസ് സുരക്ഷ ശക്തമാക്കി.
