ന്യൂഡല്‍ഹി: പാര്‍ട്ടി ജനറല്‍ സെക്രട്ടറി സീതാറാം യച്ചൂരി രാജ്യസഭാ സ്ഥാനാര്‍ത്ഥിയായി മല്‍സരിക്കേണ്ടെന്നു സി.പി.എം പൊളിറ്റ്ബ്യൂറോ. കോണ്‍ഗ്രസ് പിന്തുണയോടെ സീതാറാം യച്ചൂരി രാജ്യസഭയിലേക്കു മല്‍സരിക്കേണ്ടെന്നു ഡല്‍ഹിയില്‍ചേര്‍ന്ന സി.പി.എം പൊളിറ്റ് ബ്യൂറോ തീരുമാനമെടുത്തു.
യച്ചൂരി മല്‍സരിക്കണമെന്ന ബംഗാള്‍ ഘടകത്തിന്റെ ആവശ്യം പൊളിറ്റ് ബ്യൂറോ തള്ളി. മല്‍സരിക്കേണ്ടെന്നു കേരളഘടകം നിലപാടെടുത്തിരുന്നു. നിലവില്‍ പാര്‍ട്ടി മാനദണ്ഡം ലംഘിക്കാനാവില്ലെന്നു സീതാറാം യച്ചൂരി എകെജി ഭവനില്‍ നടന്ന വാര്‍ത്താസമ്മേളനത്തില്‍ വ്യക്തമാക്കി. കോണ്‍ഗ്രസ് പിന്തുണയോടെ മല്‍സരിക്കേണ്ടെന്നാണു പിബി തീരുമാനം.വിജ്ഞാപനം വന്നശേഷം പാര്‍ട്ടി നിലപാടെടുക്കുമെന്നും യച്ചൂരി പറഞ്ഞു.
