ആലപ്പുഴ • പ്രതിയെ പിടിക്കാന്‍ പോയ പോലീസുകാരെ പ്രതിയുടെ ബന്ധുക്കള്‍ ചേര്‍ന്ന് മാരകായുധങ്ങള്‍ ഉപയോഗിച്ച്‌ മര്‍ദ്ദിച്ചു. കായംകുളം ദേശത്തിനകം ഭാഗത്ത് പ്രതിയെ പിടികൂടാന്‍ ചെന്ന കായംകുളം പോലീസ് സ്റ്റേഷനിലെ എഎസ്‌ഐ സിയാദ്, സിവില്‍ പൊലീസ് ഓഫീസര്‍മാരായ ഇക്ബാല്‍, സതീഷ്, രാജേഷ് എന്നിവരെയാണ് പ്രതിയുടെ പിതാവും അയല്‍വാസികളും ചേര്‍ന്ന് മര്‍ദ്ദിച്ചത്. കമ്പിപ്പാരയും, പൈപ്പും, തടിക്കഷണങ്ങളും കൊണ്ടാണ് പോലീസുകാരെ മര്‍ദ്ദിച്ചത്. തലയ്ക്കും, മുഖത്തും, കൈയ്ക്കുമാണ് ഇവര്‍ക്ക് പരുക്ക്. പരുക്കേറ്റ മൂന്നു പൊലീസുകാരെ ആലപ്പുഴ മെഡികല്‍ കോളജിലും ഒരാളെ കായംകുളം താലൂക്ക് ആശുപത്രിയിലും പ്രവേശിപ്പിച്ചു.
