ആലപ്പുഴ: ഹൗസ് ബോട്ടില്‍ ഉല്ലാസയാത്രയ്ക്കിടെ കാണാതായ രണ്ടുവയസുകാരന്റെ മൃതദേഹം കണ്ടെടുത്തു. കോഴിക്കോട് ഫാറൂക്ക് സ്വദേശി അസര്‍ സാദിഖിന്റെ മകന്‍ ഐനി നാനിന്റെ മൃതദേഹമാണ് കണ്ടെടുത്തത്. ഇന്നലെ വൈകുന്നേരത്തോടെയാണ് ബന്ധുക്കള്‍ക്കൊപ്പം ഐനിന്റെ കുടുംബം പുന്നമടയില്‍ നിന്നും ഹൗസ്‌ബോട്ടില്‍ യാത്രയാരംഭിച്ചത്. എന്നാല്‍ യാത്ര ആരംഭിച്ച കുറച്ചു നിമിഷങ്ങള്‍ക്കു ശേഷം കുട്ടമംഗലം ഉമ്പുക്കാരം ജെട്ടിക്കു സമീപത്തു വെച്ച് കുട്ട ഹൗസ് ബോട്ടില്‍ നിന്ന് കായലിലേക്ക് വീണത്. യാത്രയ്ക്കിടെ കാല്‍ വഴുതി വീണതാകാമെന്നാണ് പോലീസ് പറയുന്നത്.
