ആലുവ: ആലുവ മാർക്കറ്റിനു സമീപം അജ്ഞാത മൃതദേഹം കണ്ടെത്തി. മാർക്കറ്റിനു സമീപമുള്ള കാനയിലാണ് മൃതദേഹം കണ്ടെത്തിയത്. 30 വയസ് തോന്നിപ്പിക്കുന്ന യുവാവിന്റെ മൃതദേഹമാണ് ഇതെന്ന് പൊലീസ് അറിയിച്ചു. സ്ഥലത്ത് പരിശോധന നടത്തിയ പൊലീസ് മരണ കാരണം കൊലപാതകമാണോ അപകടമരണമാണോ എന്നു വ്യക്തമായിട്ടില്ലെന്നു അറിയിച്ചു. നടപടികൾ പൂർത്തിയാക്കി മൃതദേഹം പോസ്റ്റ്മോർട്ടത്തിനായി ആശുപത്രിയിലേയ്ക്ക് കൊണ്ടുപോയി.
