ന്യൂയോര്‍ക്ക്: ചരിത്രത്തിലാദ്യമായി ദീപാവലി ദീപം തെളിയിച്ച്‌ ഐക്യരാഷ്ട്രസംഘടന. യുഎന്‍ ആസ്ഥാനത്ത് ദീപപ്രഭ നിറഞ്ഞാണ് ആഘോഷം നടന്നത്. 2014 ഡിസംബറില്‍ പാസാക്കിയ പൊതുസഭാ പ്രമേയത്തില്‍ ദീപാവലി ആഘോഷിക്കാന്‍ യു എന്‍ തീരുമാനിച്ചത്. ഐക്യരാഷ്ടസഭയുടെ ഇന്ത്യന്‍ പ്രതിനിധിയാണ് ഇക്കാര്യം ട്വിറ്ററിലൂടെ അറിയിച്ചത്. ദീപാവലി ദിനത്തില്‍ സമ്മേളനങ്ങള്‍ പാടില്ലെന്നും പ്രമേയത്തില്‍ പറഞ്ഞിരുന്നു. 2016 മുതല്‍ ദീപാവലി ഐച്ഛിക അവധിയായി പ്രഖ്യാപിച്ചതിനു പുറമേയാണ് യു എന്നിന്‍റെ ദീപാവലി ആഘോഷവും നടത്തിയത്. അന്ധകാരത്തിന് മേല്‍ വെളിച്ചത്തിന്‍റെ, നിരാശയ്ക്ക് മേല്‍ പ്രതീക്ഷയുടെ , അജ്ഞതയുടെ മേല്‍ ജ്ഞാനത്തിന്‍റെ , തിന്മയുടെ മേല്‍ നന്മയുടെ വിജയം ഉദ്ഘോഷിക്കുന്ന ആഘോഷമാണ് ദീപാവലിയെന്ന് യു എന്‍ പൊതുസഭ അദ്ധ്യക്ഷന്‍ പീറ്റര്‍ തോംസണ്‍ ദീപാവലി സന്ദേശത്തില്‍ ആശംസിച്ചു. 29നും 30നുമാണ് സെക്രട്ടറിയേറ്റ് കെട്ടിടത്തില്‍ ദീപം തെളിയിക്കുന്നത്. നേരത്തെ യോഗ ദിനത്തോടനുബന്ധിച്ച്‌ യോഗയുടെ സ്ഥിതി കാണിക്കുന്ന ചിത്രം തലസ്ഥാനത്ത് പ്രദര്‍ശിപ്പിച്ചിരുന്നു.
