പൃഥ്വിരാജിനെ നായകനാക്കി ജീന്‍ പോള്‍ ലാല്‍ സംവിധാനം ചെയ്യുന്ന ഡ്രൈവിംഗ് ലൈസന്‍സില്‍ ദീപ്തി സതി നായികയാകുന്നു. പൃഥിയുടെ ഭാര്യയുടെ കഥാപാത്രത്തെയാണ് ചിത്രത്തില്‍ ദീപ്തി അവതരിപ്പിക്കുന്നത്. മിയയും സുരാജ് വെഞ്ഞാറമൂടും ചിത്രത്തില്‍ മറ്റ് പ്രധാനകഥാപാത്രങ്ങളെ സിനിമയില്‍ അവതരിപ്പിക്കുന്നുണ്ട്.
ആഡംബര വാഹനങ്ങളോട് ഭ്രമമുള്ള ഒരു സൂപ്പര്‍സ്റ്റാറിന്‍റെ കഥാപാത്രത്തെയാണ് ചിത്രത്തില്‍ പൃഥ്വി അവതരിപ്പിക്കുന്നത്. ഒരു മോട്ടര്‍വെഹിക്കിള്‍ ഇന്‍സ്പെക്ടറായാണ് ചിത്രത്തില്‍ സുരാജ് എത്തുന്നത്. അദ്ദേഹത്തിന്‍റെ ഭാര്യയുടെ കഥാപാത്രത്തെ മിയയും അവതരിപ്പിക്കുന്നു. സച്ചിയുടേതാണ് തിരക്കഥ. ലാലു അലക്സും മേജര്‍ രവിയും സിനിമയില്‍ പ്രധാനകഥാപാത്രങ്ങളെ അവതരിപ്പിക്കുന്നുണ്ട്. ക്രിസ്മസ് റിലീസായി ചിത്രം തീയറ്ററുകളിലെത്തും.
