കാസറഗോഡ് : വധ ശ്രമമടക്കം നിരവധി കേസുകളിൽ ഒളിവിൽ കഴിഞ്ഞിരുന്ന പ്രതി സുൽത്താൻ ഹുസൈനെ (28 ) കാസറഗോഡ് ഡി വൈ എസ്‌ പി പി. ബാലകൃഷ്ണൻ നായരുടെ നേതൃത്വത്തിലുള്ള സംഘം അറസ്റ്റ് ചെയ്തു.
2020 ഫെബ്രുവരി നാലിന് നിർച്ചൽ ഭജന മന്ദിരത്തിനു സമീപം പിക്കപ്പ് വാൻ തടഞ്ഞു നിർത്തി ഡ്രൈവറെ ആക്രമിച്ച കേസിൽ പ്രതിയാണ് കല്ലക്കട്ട ഖദീജ മനസിൽ സുൽത്താൻ ഹുസൈൻ .ഇദ്ദേഹത്തിന്റെ പേരിൽ വിദ്യാനഗർ പോലീസ് സ്റ്റേഷനിൽ അഞ്ചോളം കേസുകൾ ഉണ്ട്.
ഡി വൈ എസ്‌ പിയുടെ സ്‌ക്വാഡിൽ ഗോകുല, അജേഷ്, സുഭാഷ് ചന്ദ്രൻ, വിജയൻ. നിതിൻ സാരങ്, രഞ്ജിഷ്. ജയേഷ് എന്നിവർ ഉണ്ടായിരുന്നു
