ന്യൂഡല്‍ഹി: കര്‍ണാടക ഹൈക്കോടതി ചീഫ് ജസ്റ്റീസ് ദിനേശ് മഹേശ്വരി, ഡല്‍ഹി ഹൈക്കോടതി ജഡ്ജി സഞ്ജീവ് ഖന്ന എന്നിവരെ സുപ്രീം കോടതി ജഡ്ജിമാരായി രാഷ്ട്രപതി നിയമിച്ചു. ബുധനാഴ്ച വൈകുന്നേരത്തോടെ രാഷ്ട്രപതി രാംനാഥ് കോവിന്ദ് ഇരുവരുടേയും നിയമനത്തില്‍ ഒപ്പുവച്ചു. ഇതോടെ കേന്ദ്രനിയമന്ത്രാലയം ജസ്റ്റീസ് ദിനേശ് മഹേശ്വരിയേയും ജസ്റ്റീസ് സഞ്ജീവ് ഖന്നയേയും സുപ്രീം കോടതി ജഡ്ജിമാരായി നിയമിച്ചുകൊണ്ടുള്ള വിജ്ഞാപനം പുറപ്പെടുവിച്ചു. നേരത്തെ സുപ്രീം കോടതി കൊളീജിയം ശിപാര്‍ശ കേന്ദ്രസര്‍ക്കാര്‍ അംഗീകരിച്ച്‌ രാഷ്ട്രപതിക്ക് കൈമാറുകയായിരുന്നു.
