തിരുവനന്തപുരം: കേന്ദ്ര ആരോഗ്യ കുടുംബക്ഷേമ വകുപ്പ് മന്ത്രാലയം ഡ്രഗ്‌സ് ടെക്‌നിക്കല്‍ അഡ്‌വൈസറി ബോര്‍ഡിന്‍റെ ശുപാര്‍ശ പ്രകാരം 80 ഇനം കോംബിനേഷന്‍ മരുന്നുകളുടെ ഉല്‍പ്പാദനം, വില്‍പ്പന, വിതരണം, ഉപയോഗം എന്നിവ നിരോധിച്ച്‌ ഉത്തരവായി. സംസ്ഥാനത്തെ ചില്ലറ-മൊത്ത മരുന്നു വ്യാപാരസ്ഥാപനങ്ങള്‍, ആശുപത്രി ഫാര്‍മസികള്‍, ആശുപത്രികള്‍, ക്ലിനിക്കുകളും ഇവയുടെ വില്‍പ്പനയും വിതരണവും അടിയന്തരമായി നിര്‍ത്തിവച്ച്‌, കൈവശമുള്ള സ്റ്റോക്ക് തിരികെ വിതരണക്കാര്‍ക്ക് നല്‍കണമെന്ന് സംസ്ഥാന ഡ്രഗ്‌സ് കണ്‍ട്രോളര്‍ അറിയിച്ചു. ഉത്തരവ് ലംഘിക്കുന്നവര്‍ക്കെതിരെ കര്‍ശന നടപടികള്‍ സ്വീകരിക്കുമെന്ന് സര്‍ക്കാര്‍ അറിയിച്ചു.
