കാസര്‍കോട്: നിയമസഭാ തെരഞ്ഞെടുപ്പിന്റെ ചെലവുകള്‍ സൂക്ഷിക്കുന്ന് സംബന്ധിച്ച് മഞ്ചേശ്വരം, കാസര്‍കോട്, ഉദുമ മണ്ഡലങ്ങളിലെ സ്ഥാനാര്‍ഥികള്‍ക്കും തെരഞ്ഞെടുപ്പ് ചെലവ് ഏജന്റുമാര്‍ക്കും കളക്ടറേറ്റ് കോണ്‍ഫറന്‍സ് ഹാളില്‍ പരിശീലനം നല്‍കി. ജില്ലാ ഫിനാന്‍സ് ഓഫീസര്‍ സതീശന്‍ കെ, അസി. എക്‌സ്‌പെന്‍ഡിച്ചര്‍ ഒബ്‌സര്‍വര്‍ ടി.ഇ. ജനാര്‍ദനന്‍ എന്നിവര്‍ ക്ലാസെടുത്തു.
ചെലവ് നിരീക്ഷകരായ സാന്‍ജോയ് പോള്‍, എം. സതീഷ് കുമാര്‍, അസി. എക്‌സ്‌പെന്‍ഡിച്ചര്‍ ഒബ്‌സര്‍വര്‍മാരായ നാഗേഷ് കെ, ഷബീര്‍ എം.ബി, ഉദുമ വരണാധികാരി ജയ ജോസ് രാജ് സി.എല്‍, കാസര്‍കോട് വരണാധികാരി ഷാജു പി എന്നിവര്‍ സംസാരിച്ചു. കാസര്‍കോട്, ഉദുമ, മഞ്ചേശ്വരം മണ്ഡലങ്ങളിലെ സ്ഥാനാര്‍ഥികളും തെരഞ്ഞെടുപ്പ് ചെലവ് ഏജന്റുമാരും പങ്കെടുത്തു.
