കാസർഗോഡ് ജില്ലയിലെ എൻഡോസൾഫാൻ ദുരിതബാധിതർക്കുള്ള സഹായ പദ്ധതിയായ ‘സ്‌നേഹസാന്ത്വന’ത്തിന് 16.05 കോടി രൂപ അനുവദിച്ചതായി ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ ബിന്ദു പറഞ്ഞു.
‘സ്‌നേഹസാന്ത്വനം’ പദ്ധതിക്കു വേണ്ടി 2023-24 സാമ്പത്തികവർഷം ബജറ്റിൽ വകയിരുത്തിയ 17 കോടി രൂപയിൽനിന്നാണു 16.05 കോടി രൂപ അനുവദിച്ച് ഭരണാനുമതി നൽകിയത്. കേരള സാമൂഹ്യസുരക്ഷാ മിഷന്റെ ‘സ്‌നേഹസാന്ത്വനം’ ശീർഷകത്തിലാണ് തുക അനുവദിച്ചിരിക്കുന്നതെന്നും മന്ത്രി പറഞ്ഞു.
