നെയ്യാറ്റിന്‍കര: നെയ്യാറ്റിന്‍കരയിൽ ബൈക്കില്‍ ചാരായം കടത്തിയാളെ എക്സൈസ് സംഘം പിടികൂടി ബൈക്കില്‍ ചാരായം കടത്തിയ കന്യാകുമാരി വിളവന്‍കോട് സില്‍വപുരത്ത് ശശികുമാറി (40)നെയാണ് നെയ്യാറ്റിന്‍കര എക്സൈസ് സംഘം പിടികൂടിയത്. ഓലത്താന്നിയിലെ വാഹന പരിശോധനയില്‍ ഇയാളില്‍ നിന്ന് 5 ലിറ്റര്‍ ചാരായവും ബൈക്കും പിടിച്ചെടുത്തു.
ലോക്ക്ഡൗണ്‍ കാരണം മദ്യം ലഭ്യമല്ലാത്തതിനാല്‍ നെയ്യാറ്റിന്‍കരയിലും സമീപ പ്രദേശങ്ങളിലും വില്പനയ്ക്കാണ് ഇയാള്‍ ചാരായം കടത്തിയത്. അസിസ്റ്റന്റ് എക്സൈസ് ഇന്‍സ്പെക്ടര്‍ സജിത്ത് കുമാറിന്റെ നേത‌ൃത്വത്തില്‍ പ്രിവന്റീവ് ഓഫീസര്‍ കെ. ഷാജു, സിവില്‍ എക്സൈസ് ഓഫീസര്‍മാരായ നൂജൂ, ഉമാപതി, സതീഷ്കുമാര്‍, ഹരിത്, സുരേഷ് കുമാര്‍ എന്നിവരാണ് പ്രതിയെ പിടികൂടിയത്.
