കേരള കൈത്തറി തൊഴിലാളി ക്ഷേമനിധി ബോർഡിൽ രജിസ്റ്റർ ചെയ്ത അംഗങ്ങളിൽ നിന്ന് 2018-19 വർഷത്തെ സാമ്പത്തിക സഹായ പദ്ധതിക്ക് അപേക്ഷ ക്ഷണിച്ചു. 2018-19 വർഷം ചുരുങ്ങിയത് 100 ദിവസം ജോലി ചെയ്തതും, മിനിമം കൂലി ലഭിക്കാത്തതുമായ അംഗങ്ങൾക്ക് ലഭിച്ച കൂലിയും മിനിമം കൂലിയും തമ്മിലുളള വ്യത്യാസം പരമാവധി 1250 രൂപ ആനുകൂല്യമായി ലഭിക്കും.
ബോർഡിൽ രജിസ്റ്റർ ചെയ്ത സ്വയം തൊഴിലാളികൾക്കും, ഹാൻവീവിൽ ജോലി ചെയ്യുന്ന തൊഴിലാളികൾക്കും, സ്വകാര്യ സ്ഥാപനങ്ങളിൽ ജോലി ചെയ്യുന്ന തൊഴിലാളികൾക്കുമാണ് ബോർഡ് വഴി ആനുകൂല്യം നൽകുന്നത്. സൗജന്യ അപേക്ഷാ ഫോറവും, വിശദാംശങ്ങളും കേരളാ കൈത്തറി തൊഴിലാളി ക്ഷേമനിധി ബോർഡിന്റെ കണ്ണൂരിലുളള ഹെഡ് ഓഫീസിൽ നിന്നും, കോഴിക്കോട്, എറണാകുളം, തിരുവനന്തപുരം ജില്ലാ ഓഫീസുകളിൽ നിന്നും ലഭിക്കും. പൂരിപ്പിച്ച അപേക്ഷ ജൂൺ 15 നകം ജില്ല എക്‌സിക്യൂട്ടീവ് ഓഫീസർക്ക് നൽകണം.
