കോട്ടയം: മുണ്ടക്കയത്ത് ടെക്സ്റ്റൈല്സിൽ തീപിടുത്തം. മുണ്ടക്കയം ടൗണില് പ്രവര്ത്തിക്കുന്ന അഷറഫ് ടെക്സ്റ്റയില്സിലാണ് തീപിടിത്തമുണ്ടായത്. ഇന്ന് രാവിലെയാണ് സംഭവം. നാട്ടുകാര് അറിയിച്ചതിനെത്തുടര്ന്ന് കാഞ്ഞിരപ്പള്ളിയില് നിന്നും അഗ്നിശമനസേന ഉദ്യോഗസ്ഥര് എത്തിയാണ് തീ കെടുത്തിയത്. സ്ഥാപനത്തിന്റെ ഒരു നില പൂര്ണ്ണമായും കത്തിനശിച്ചെന്നാണ് വിവരം. അപകടത്തിൽ ആളപായം ഉണ്ടായിട്ടില്ലെന്നാണ് വിവരം.
