2017-18 സാമ്പത്തിക വര്‍ഷത്തിന്‍റെ മൂന്നാം പാദത്തില്‍ ജിഡിപി നിരക്ക് 7.2 ശതമാനമായി ഉയര്‍ന്നു. രണ്ടാം പാദത്തില്‍ 6.5 ആയിരുന്നു ജിഡിപി. ജിഡിപി നിരക്ക് ഉയര്‍ന്നത് ഇന്ത്യയെ ഏറ്റവും വേഗത്തില്‍ വളരുന്ന സമ്പദ് വ്യവസ്ഥയുള്ള രാജ്യങ്ങളില്‍ ഒന്നാം സ്ഥാനത്ത് തിരികെ എത്തിക്കും. കഴിഞ്ഞ പാദത്തില്‍ 6.5 ശതമാനം വളര്‍ച്ചയുമായി ഇന്ത്യ ചൈനയ്ക്ക് പിന്നില്‍ രണ്ടാം സ്ഥാനത്തേക്ക് പിന്തള്ളപ്പെട്ടിരുന്നു. മൂന്നു വര്‍ഷത്തെ ഏറ്റവും കുറവ് വളര്‍ച്ചയായ 5.7 ശതമാനം ഏപ്രില്‍-ജൂണ്‍ പാദത്തില്‍ രേഖപ്പെടുത്തിയിരുന്നു. ജിഎസ്ടി, നോട്ടുനിരോധനം തുടങ്ങിയ പരിഷ്കാരങ്ങള്‍ ഏല്‍പ്പിച്ച ആഘാതത്തില്‍നിന്നു രാജ്യം മോചിതമായെന്ന സൂചനയാണ് ജിഡിപി വളര്‍ച്ച കാണിക്കുന്നത്. ഉത്പാദന മേഖലയിലുണ്ടായ ഉണര്‍വാണ് ജിഡിപിയിലും പ്രതിഫലിച്ചത്. പ്രതീക്ഷച്ചതിലും മികച്ച വളര്‍ച്ചയാണ് ജിഡിപിയിലുണ്ടായിരിക്കുന്നത്.
