തിരുവനന്തപുരം: സേനാധിപൻ എജ്യൂക്കേഷൻ ഫൗണ്ടേഷന്റെ ആഭിമുഖ്യത്തിൽ എച്ച്പിബി ആന്‌ഡ് ജിഐ (ഹെപ്പറ്റോ പാന്ക്രി യാറ്റിക്- ബിലിയറി ആന്‌ഡ് ഗാസ്ട്രോ ഇന്റസ്‌റ്റൈനല്) കാൻസർ സർജന്മാരുടെ ആഗോള ഉച്ചകോടി മെയ് 10,11 തീയതികളിൽ കോവളം ഉദയ സമുദ്ര ഹോട്ടലിൽ നടക്കും. ഓർഗനൈസിങ് കമ്മിറ്റി സെക്രട്ടറിയും സേനാധിപന് എജ്യുക്കേഷൻ ഫൗണ്ടേഷൻ സ്ഥാപകനുമായ പ്രൊഫ. ഡോ. ബൈജു സേനാധിപൻ ഇന്ന് മസ്കറ്റ് ഹോട്ടലിൽ നടന്ന വാര്ത്താസമ്മേളനത്തിൽ പറഞ്ഞു .
രണ്ടു ദിവസങ്ങളിലായി നടക്കുന്ന ഉച്ചകോടിയിൽ യു.എസ്.എ, ബ്രസീല്, മലേഷ്യ, ജപ്പാൻ, ഇറ്റലി, ലണ്ടൻ തുടങ്ങി ദേശിയ- അന്തർ ദേശിയതലത്തിലുള്ള കാൻസർ സർജറി വിദഗ്ദ്ധരാണ് പങ്കെടുക്കുന്നത് . ആഗോളതലത്തിൽ അർബുദ ബാധിതരുടെ എണ്ണം വർദ്ധിക്കുന്ന സാഹചര്യത്തിൽ എച്ച്പിബി ആന്‌ഡ് ജിഐ ക്യാൻസർ സർജന്മാരുടെ ഉച്ചകോടിക്ക് ഏറെ പ്രാധാന്യ മുണ്ടെന്നും വിവിധ വിഷയങ്ങളെ കുറിച്ചുള്ള ആഴത്തിലുള്ള ചർച്ചകൾക്കും പ്രഭാഷണങ്ങൾക്കും വേദിയാകുന്നു
വിവിധ വിഷയങ്ങളെ ആസ്‌പദമാക്കിയുള്ള പാനല് ചർച്ച , മെഡിക്കല് വിദ്യാർഥികൾക്കും സർജന്മാർക്കുമായുള്ള പഠന ക്ലാസ്, പ്രാക്ടിക്കൽ സെഷൻസ് ഉൾപ്പെടുത്തിയിട്ടുണ്ട്. പാൻക്രിയാസ്, കരൾ , വന്‌കുടൽ, മലാശയം തുടങ്ങിയ ശരീരഭാഗങ്ങളെ ബാധിക്കുന്ന ക്യാൻസർ ചികിത്സയ്ക്കുള്ള ഏറ്റവും ആധുനികവും രോഗികൾക്ക് ഗുണകരവുമായ ശസ്ത്രക്രിയാ മാർഗങ്ങൾ ആരോഗ്യ മേഖലയിൽ പ്രവർത്തിക്കുന്നവർക്ക് പരിചയപ്പെടു ത്തുകയും പുതിയ സാഹചര്യങ്ങളെ കുറിച്ചുള്ള അവബോധം സൃഷ്ടിക്കുകയുമാണ് ഉച്ചകോടിയുടെ ലക്ഷ്യമെന്ന് പ്രൊഫ.ഡോ. ബൈജു സേനാധിപൻ പറഞ്ഞു
ലാപ്പറോസ്കോപ്പി സർജറിയിൽ മികവ് പുലർത്തുന്നവർക്ക് സേനാധിപൻ എജ്യൂക്കേഷൻ ഫൗണ്ടേഷന് നൽകി വരുന്ന ഏകലവ്യ അവാർഡ് 2025-ന്റെ പ്രഖ്യാപനവുമുണ്ടാകും. പുരസ്‌കാര ജേതാവിന് സ്വർണ്ണ മെഡലും ജപ്പാനിലെ ടോക്യോ മെഡിക്കൽ യൂണിവേഴ്സിറ്റി ഫെലോഷിപ്പും നൽകും
