ന്യൂഡല്‍ഹി: ബലാല്‍സംഗ കേസില്‍ കുറ്റക്കാരനെന്നു കണ്ടെത്തിയ ദേര സച്ചാ സൗദ നേതാവ് ഗുര്‍മീത് റാം റഹീമിന് 20 വര്‍ഷം കഠിന തടവ്. രണ്ടു സ്ത്രീകളെ മാനഭംഗപ്പെടുത്തിയ കേസിലാണ് നടപടി. പത്തു വര്‍ഷം വീതം ഓരോ മാനാഭംഗ കേസിലും ശിക്ഷ അനുഭവിക്കണം. ആദ്യ ശിക്ഷയക്ക് ശേഷമാണ് രണ്ടാമത്തെ ശിക്ഷ അനുഭവിക്കണമെന്നാണ് കോടതി ഉത്തരവ്30 ലക്ഷം രൂപ വീതം പിഴയൊടുക്കണമെന്നും കോടതി ഉത്തരവിട്ടു. സിബിഐ പ്രത്യേക കോടതി ജഡ്ജി ജഗ്ദീപ് സിംഗാണ് ശിക്ഷ പ്രഖ്യാപിച്ചത്. നേരെത്തെ പുറത്തു വന്നത് 10 വര്‍ഷത്തെ ശിക്ഷയാണ് ഗുര്‍മീത് റാം റഹീമിന് വിധിച്ചത് എന്നായിരുന്നു. ഇക്കാര്യത്തില്‍ ഇപ്പോള്‍ ഗുര്‍മീതന്റെ അഭിഭാഷകാനാണ് മാധ്യമങ്ങളെ കൃത്യമായി വിധി അറിയിച്ചത്.
