ന്യൂഡല്ഹി: ഹാദിയ കേസില് ദേശീയ അന്വേഷണ എജന്സി (എന്ഐഎ) അന്വേഷണം നടത്തണമെന്ന് സുപ്രീം കോടതി. സുപ്രീം കോടതിയില് നിന്ന് വിരമിച്ച ജസ്റ്റിസ് ആര്വി രവീന്ദ്രന്റെ മേല്നോട്ടത്തിലായിരിക്കും എന്ഐഎ അന്വേഷണം നടക്കുകയെന്ന് ചീഫ് ജസ്റ്റിസ് ജെഎസ് കേഹാര് അധ്യക്ഷനായ ബഞ്ച് വ്യക്തമാക്കി. അന്വേഷണ വിവരങ്ങള് എന്ഐഎക്ക് നല്കണമെന്നും കേരള പോലീസിനോട് സുപ്രീം കോടതി നിര്ദേശിച്ചു.
