തിരുവനന്തപുരം: എന്‍എസ്‌എസ് വോട്ടുകൾ തനിക്ക് ലഭിക്കുമെന്നും യുഡിഎഫിന് അനുകൂലമായ എന്‍എസ്‌എസ് നിലപാട് തനിക്ക് തിരിച്ചടിയാവില്ലെന്നും ശക്തമായ ത്രികോണ മത്സരം നടക്കുന്ന വട്ടിയൂര്‍ക്കാവില്‍ തികഞ്ഞ വിജയ പ്രതീക്ഷയുമായി ഇടതുമുന്നണി സ്ഥാനാര്‍ത്ഥി വികെ പ്രശാന്ത്.
ഒരു തീരുമാനവും ആര്‍ക്കും അടിച്ചേല്‍പ്പി ക്കാനാവില്ലെന്നും വട്ടിയൂര്‍ക്കാവില്‍ യുഡിഎഫിനെ പിന്തുണയ്ക്കുമെന്ന എന്‍എസ്‌എസ് നിലപാട് വലിയ ചര്‍ച്ചകള്‍ക്ക് വഴിവെച്ചിരുന്നുവെന്നും വ്യത്യസ്ത രാഷ്ട്രീയ നിലപാടുകള്‍ ഉള്ളവര്‍ എന്‍എസ്‌എസില്‍ ഉണ്ട് എന്നും അതിനാല്‍ തന്നെ എന്‍എസ്‌എസ് വോട്ടുകള്‍ തനിക്ക് ലഭിക്കും’- വികെ പ്രശാന്ത് പറഞ്ഞു.
എന്‍എസ്‌എസിനെതിരെ പരാതി നല്‍കുമെന്ന് കോടിയേരി ബാലകൃഷ്ണന്‍ വ്യക്തമാക്കിയപ്പോള്‍ തിരുവനന്തപുരത്ത് ആരെങ്കിലും പറയുന്നതല്ല എന്‍എസ്‌എസ് നിലപാടെന്നായിരുന്നു സിപിഐ സംസ്ഥാന സെക്രട്ടറി കാനം രാജേന്ദ്രന്‍റെ പ്രതികരണം. വിശ്വാസവുമായി ബന്ധപ്പെട്ട വിഷയത്തില്‍ മാത്രമാണ് അഭിപ്രായവ്യത്യാസമെന്ന് എന്‍എസ്‌എസ് ജനറല്‍ സെക്രട്ടറി വ്യക്തമാക്കിയിട്ടുണ്ടെന്നും കാനം പറഞ്ഞു.
