ന്യുയോര്‍ക്ക്: ഇന്ത്യന്‍ വംശജനായ വിദ്യാര്‍ത്ഥിയെ അമേരിക്കയില്‍ മരിച്ചനിലയില്‍ കണ്ടെത്തി. കോര്‍ണെല്‍ സര്‍വകലാശാലയിലെ എന്‍ജിനീയറിംഗ് വിദ്യാര്‍ത്ഥി ആലാപ് നരാസിപുര (20)യുടെ മൃതദേഹമാണ് സമീപത്തെ വെള്ളച്ചാട്ടത്തിനു താഴെ കണ്ടെത്തിയത്.
ബുധനാഴ്ച മുതല്‍ ആലാപിനെ കാണ്‍മാനില്ലെന്ന് പോലീസിന് പരാതി ലഭിച്ചിരുന്നു. ഇത്താക്ക വെള്ളച്ചാട്ടത്തിനു താഴെയുള്ള വെള്ളക്കെട്ടിലാണ് ആലാപിന്റെ മൃതദേഹം കണ്ടെത്തിയത്. സംഭവത്തില്‍ അന്വേഷണം ആരംഭിച്ചതായി കോര്‍ണെല്‍ പോലീസ് അറിയിച്ചു.
