കൊച്ചി: ഐഎസ്‌എല്ലില്‍ പുതുകോച്ചിനു കീഴില്‍ ഇറങ്ങിയ കേരള ബ്ലാസ്റ്റേഴ്സിന് തിരിച്ചടി. കൊച്ചിയില്‍ നടന്ന മല്‍സരത്തില്‍ പൂനെ സിറ്റിയുമായി മഞ്ഞപ്പട 1-1ന്റെ സമനില കൊണ്ടു തൃപ്തിപ്പെടുകയായിരുന്നു. സീസണില്‍ ബ്ലാസ്റ്റേഴ്സിന്റെ അഞ്ചാം സമനിലയാണിത്. എട്ടു കളികളില്‍ ഒന്നില്‍ മാത്രമാണ് മഞ്ഞപ്പടയ്ക്കു വിജയിക്കാനായത്. ഒന്നാംപകുതി അവസാനിക്കുമ്ബോള്‍ ബ്ലാസ്റ്റേഴ്സ് 0-1ന് പിന്നിലായിരുന്നു. സൂപ്പര്‍ താരം മാര്‍സെലീഞ്ഞോയാണ് 33ാം മിനിറ്റില്‍ പൂനെയ്ക്കായി ഗോള്‍ നേടിയത്. മലയാഴി താരം ആഷിഖ് കുരുണിയന്റെ പാസില്‍ നിന്നായിരുന്നു സ്റ്റേഡിയത്തെ നിശബ്ധമാക്കിയ പൂനെയുടെ ഗോള്‍. 73ാം മിനിറ്റില്‍ ഡച്ച്‌ യുവതാരം മാര്‍ക്ക് സിഫ്നിയോസാണ് മഞ്ഞപ്പടയുടെ മാനം കാത്ത ഗോള്‍ നേടിയത്.
