കൊച്ചി: ഡിസംബര് 31നു നടക്കാനിരിക്കുന്ന കേരള ബ്ലാസ്റ്റേഴ്സ് ബെംഗളൂരു എഫ്സി ഐഎസ്എല് മല്സരം മാറ്റിവയ്ക്കണമെന്ന് പൊലീസ്. കേരള ബ്ലാസ്റ്റേഴ്സ് മാനേജ്മെന്റിനോടാണ് പൊലീസ് ആവശ്യമുന്നയിച്ചിരിക്കുന്നത്. പുതുവര്ഷമായതിനാല് കൂടുതല് സേനയെ സംസ്ഥാനത്തിന്റെ വിവിധ ഭാഗങ്ങളില് വിന്യസിക്കേണ്ടിവരും. അതിനാല് മല്സരം നടക്കുന്ന സ്റ്റേഡിയത്തിനുള്ളില് ആവശ്യത്തിനു പൊലീസിനെ നിയോഗിക്കാന് സാധിക്കില്ലെന്നും പൊലീസ് അറിയിച്ചു.
