പൂന: ഐഎസ്‌എല്‍ ഫുട്ബോളില്‍ പൂന സിറ്റി മുംബൈ സിറ്റിയെ 2-1ന് കീഴടക്കി പൂന സീസണ്‍ അവസാനിപ്പിച്ചു. ആദില്‍ ഖാന്‍, ഇയാന്‍ ഹ്യൂം എന്നിവര്‍ പൂനയ്ക്കു വേണ്ടി ലക്ഷ്യംകണ്ടപ്പോള്‍, അര്‍ണോള്‍ഡ് ഇസോക്കോയുടെ പൊനാല്‍റ്റിയിലാണ് മുംബൈയുടെ ആശ്വാസഗോള്‍ പിറന്നത്. ഈ സീസണിലെ ആദ്യ ഗോളാണ് ഹ്യൂം പൂനയ്ക്കായി നേടിയത്. ഇതോടെ ഇന്ത്യന്‍ സൂപ്പര്‍ ലീഗിന്‍റെ എല്ലാ സീസണിലും ഗോളടിക്കുക എന്ന നേട്ടം ഹ്യൂം ഒന്നുകൂടി പുതുക്കി. 18 മത്സരങ്ങള്‍ പൂര്‍ത്തിയാക്കിയ പൂനയ്ക്ക് 22, മുംബൈക്ക് 30 എന്നിങ്ങനെയാണ് ലീഗിലെ പോയിന്‍റ് നില. മുംബൈ മൂന്നാമതും പൂന ആറാമതുമാണ്.
