ബംഗളൂരു: ഐ എസ്‌ എല്ലില്‍ പുതുവര്‍ഷത്തിലെ ആദ്യ പോരാട്ടത്തില്‍ ബംഗളൂരു എഫ്സിക്കു ത്രസിപ്പിക്കുന്ന ജയം. ശക്തരായ എഫ്സി ഗോവയെ കീഴടക്കിയാണ് ബംഗളൂരു പുതുവര്‍ഷം ആഘോഷമാക്കിയത്. ഒന്നിനെതിരേ രണ്ടു ഗോളുകള്‍ക്കായിരുന്നു ബംഗളൂരുവിന്‍റെ ജയം. സുനില്‍ ഛേത്രിയുടെ ഇരട്ട ഗോള്‍ മികവിലായിരുന്നു ബംഗളൂരുവിന്‍റെ വിജയം.
59, 84 മിനിറ്റുകളിലായിരുന്നു ഛേത്രിയുടെ ഗോളുകള്‍. 61-ാം മിനിറ്റില്‍ ഹ്യൂഗോ ബൗമോസാണ് ഗോവയുടെ ഏക ഗോള്‍ നേടിയത്. ഇതോടെ 19 പോയിന്‍റുകളുമായി ബംഗളൂരു പട്ടികയില്‍ രണ്ടാം സ്ഥാനത്താണ്. ഗോവയാണ് പട്ടികയില്‍ ഒന്നാമത്.
