മഡ്ഗാവ്: എഫ്സി ഗോവയോട് എതിരില്ലാത്ത മൂന്ന് ഗോളുകള്‍ക്കാണ് കൊന്പന്‍മാരുടെ വീഴ്ച. ജയത്തോടെ 16 മത്സരങ്ങളില്‍നിന്ന് 31 പോയിന്‍റുമായി ഗോവ സെമി ഉറപ്പിച്ചു.ഫെറാന്‍ കോറോമിനസാണ് 22-ാം മിനിറ്റില്‍ കേരളത്തിന്‍റെ വലയിലേക്ക് ആദ്യ നിറയൊഴിച്ചത്. തൊട്ടുപിന്നാലെ ഇഡു ബെഡിയയും കേരളത്തിന്‍റെ വല ചലിപ്പിച്ചു. ഇതോടെ പ്രതിരോധത്തിലായ കേരള ബാസ്റ്റേഴ്സ് ഗോളിനായി പോരുതിയെങ്കിലും ഗോള്‍ കണ്ടെത്താനായില്ല. 78-ാം മിനിറ്റില്‍ ഹുഗോ ബോമസ് കേരളത്തിനുമേല്‍ അവസാന ആണിയും അടിച്ചു. ഈ സീസണില്‍ 3-1നാണ് കൊച്ചിയില്‍ ബ്ലാസ്റ്റേഴ്സ് ഗോവയോട് തോറ്റത്.
