തിരുവനന്തപുരം: നടനവൈഭവം ജഗതി ശ്രീകുമാര്‍ ഏഴു വര്‍ഷത്തെ ഇടവേളയ്ക്കു ശേഷം വീണ്ടും തിരശീലയിലേക്ക് മടങ്ങിവരുന്നു. വാഹനാപകടത്തില്‍ പരിക്കേറ്റ് ചികിത്സയിലായിരുന്ന ജഗതിയുടെ മടങ്ങിവരവ് പരസ്യ ചിത്രത്തിലൂടെയാണ്. തൃശൂര്‍ ചാലക്കുടിയിലെ വാട്ടര്‍ തീം പാര്‍ക്കിന്‍റെ പരസ്യചിത്രത്തിലാണ് അദ്ദേഹം അഭിനയിക്കുക. അടുത്ത വര്‍ഷം സിനിമയിലും അഭിനയിച്ചേക്കും. ഡോക്ടര്‍മാരുടെ നിര്‍ദേശപ്രകാരമാണ് ജഗതി വീണ്ടും കാമറയ്ക്കു മുന്നിലേക്ക് വരുന്നതെന്നും കുടുംബാംഗങ്ങള്‍ പറഞ്ഞു.
