ജക്കാര്ത്ത• 15 പൊലീസ് ഉദ്യോഗസ്ഥരുമായി യാത്ര ചെയ്ത ഇന്തൊനീഷ്യന് വിമാനം കാണാതായെന്നു പൊലീസ്. ദക്ഷിണ സിംഗപ്പൂരിലെ ബാറ്റം ദ്വീപിലേക്കു പോയ ഇരട്ട എന്ജിന് പൊലീസ് വിമാനമാണു കാണാതായത്. വിമാനം മെന്സാന്ങ്കിനും ജെന്റ്റര് ദ്വീപിനുമിടയില് തകര്ന്നു വീണുവെന്നാണു കരുതുന്നതെന്നു പൊലീസ് കേന്ദ്രങ്ങളെ ഉദ്ധരിച്ചു വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്തു. വിമാനത്തിനായി തിരച്ചില് പുരോഗമിക്കുകയാണ്.
