കോട്ടയം: പീഡനക്കേസില് കുറ്റാരോപിതനായ ജലന്ധര് ബിഷപ്പ് ഫ്രാങ്കോ മുളയ്ക്കലിനെ വിളിച്ചുവരുത്തി ചോദ്യം ചെയ്യാന് അന്വേഷണ സംഘം തീരുമാനിച്ചു. ഇത് സംബന്ധിച്ച് ഇന്ന് തന്നെ ബിഷപ്പിന് നോട്ടീസ് നല്കുമെന്ന് വൈക്കം ഡിവൈഎസ്പി കെ.സുഭാഷ് അറിയിച്ചു. ഒരാഴ്ച്ചയ്ക്കകം ഹാജരാകണമെന്ന് ആവശ്യപ്പെട്ടു കൊണ്ടാണ് നോട്ടീസ് നല്കുക. എന്നാല് അറസ്റ്റ് ചെയ്യുന്ന കാര്യത്തില് തീരുമാനമായിട്ടില്ലെന്നും ഡിവൈഎസ്പി അറിയിച്ചു.
