ശ്രീനഗര്‍: ജമ്മുകാശ്മീരില്‍ മൂന്ന് ഭീകരര്‍ പൊലീസ് പിടിയില്‍ . കുല്‍ഗാം ജില്ലയില്‍ നിന്നുമാണ് മൂന്ന് ഭീകരരെ പൊലീസ് അറസ്റ്റ് ചെയ്തത്. കുല്‍ഗാമിലെ കുന്ധ് മേഖലയില്‍ നടന്ന പൊലീസ് തിരച്ചിലിലാണ് ഭീകരര്‍ പിടിയിലായത്. ഐജി മുനീര്‍ ഖാനാണ് ഇക്കാര്യം സ്ഥിരീകരിച്ചത്. കൂടുതല്‍ ഭീകരര്‍ പ്രദേശത്ത് ഒളിച്ചിരിപ്പുണ്ടെന്നും ഐജി ഖാന്‍ പറഞ്ഞു. മേഖലയില്‍ ഭീകരര്‍ നടത്തിയ വെടിവയ്പ്പില്‍ സൈനികന്‍ മരിച്ചിരുന്നു.പിന്നാലെയാണ് ഭീകരര്‍ക്ക് വേണ്ടി പൊലീസും സൈന്യവും സംയുക്ത തിരച്ചില്‍ നടത്തിയത്. ഏറ്റുമുട്ടലില്‍ പരിക്കേറ്റ ഭീകരന്‍ അത്താ മുഹമ്മദ് മാലിക്കിനെ ആശുപത്രിയില്‍ പ്രവേശിപ്പിച്ചു. കാലില്‍ വെടിയേറ്റ് രക്തത്തില്‍ കുളിച്ച നിലയിലാണ് പരിക്കേറ്റ ഭീകരനെ കണ്ടെത്തിയതെന്നും ഇയാളെ ഉടന്‍ തന്നെ ആശുപത്രിയില്‍ പ്രവേശിപ്പിച്ചുവെന്നും അപകടനില തരണം ചെയ്തുവെന്നും ഖാന്‍ വ്യക്തമാക്കി.
