ശ്രീനഗര്‍: ലസ്ജന്‍ മേഖലയ്ക്കുസമീപം അപകടത്തില്‍പ്പെട്ട് തകര്‍ന്ന വാഹനത്തില്‍നിന്ന് പട്ടാളക്കാരനെ ഒരു കശ്മീരി യുവാവ് രക്ഷപ്പെടുത്തി. ഡ്രൈവര്‍ക്ക് നിയന്ത്രണം നഷ്ടപ്പെട്ടതിനെത്തുടര്‍ന്ന് വാഹനം മരത്തിലിടിക്കുകയായിരുന്നു.വാഹനത്തിനുള്ളില്‍ കുടുങ്ങിയ പട്ടാളക്കാരനെ രക്ഷിക്കാന്‍ മറ്റുപട്ടാളക്കാര്‍ ശ്രമിച്ചെങ്കിലും ഫലം കണ്ടില്ല. തുടര്‍ന്ന് സമീപത്തുണ്ടായിരുന്ന ഒരു കശ്മീരി യുവാവ് തകര്‍ന്ന വാഹനത്തിനരികെ മറ്റൊരു ട്രക്ക് നിര്‍ത്തി പട്ടാളക്കാരനെ വലിച്ചു പുറത്തെടുക്കുകയായിരുന്നു. 84 പേരുടെ മരണത്തിനുകാരണമായ ആഭ്യന്തര സംഘര്‍ഷത്തില്‍ കശ്മീരിലെ പട്ടാളക്കാരും പ്രദേശവാസികളും തമ്മിലുള്ള ബന്ധം വഷളായിരുന്നു. ഈ പശ്ചാത്തലത്തില്‍ മൊബൈലില്‍ ചിത്രീകരിച്ച സംഭവം നവമാധ്യമങ്ങളില്‍ വൈറലാകുകയാണ്.
