ശ്രീനഗര്‍: ജമ്മു കശ്മീരിലെ കത്തൗവയില്‍ സ്പെഷ്യല്‍ പോലീസ് ഓഫീസറെ കല്ലെറിഞ്ഞു കൊന്നു. ശനിയാഴ്ച രണ്ട് പേര്‍ ചേര്‍ന്നാണ് പോലീസ് ഉദ്യോഗസ്ഥനെ കല്ലെറിഞ്ഞ് കൊന്നത്. ഫിന്തര്‍ ചൗക്കില്‍ നിയമിതനായിരുന്ന ഹേമന്ത് കുമാര്‍ എന്ന ഉദ്യോഗസ്ഥനാണ് കൊല്ലപ്പെട്ടത്. പ്രദേശവാസികളുമായി ഉണ്ടായ സംഘര്‍ഷത്തെ തുടര്‍ന്ന് ഇയാളെ കല്ലെറിഞ്ഞ് കൊല്ലുകയായിരുന്നു. കല്ലേറില്‍ ചോരയില്‍ കുളിച്ച്‌ കിടന്ന ഹേമന്ത് കുമാറിനെ പ്രാദേശിക ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. നരേഷ് ബദ്വല്‍, മന്‍വര്‍ ലാലോത്ര എന്നിവരാണ് പ്രതികളെന്ന് പോലീസ് വ്യക്തമാക്കി
