കോട്ടയം : കെവിൻ വധക്കേസ് ദുരഭിമാനക്കൊലപാതകം തന്നെയാണെന്ന് അഡീഷണൽ സെഷൻസ് കോടതി വ്യക്തമാക്കി. വിദ്യാഭ്യാസപരമായും സാമൂഹികപരമായും ഉയർന്ന കേരളത്തിൽ ജാതിയുടെ പേരിലുണ്ടായ ആദ്യത്തെ കൊലപാതകമാണെന്നായിരുന്നു സർക്കാർ അഭിഭാഷകന്റെ വാദം. നട്ടാശേരി പ്ലാത്തറ ജോസിന്റെ മകൻ കെവിൻ (24) നീനുവിനെ പ്രണയിച്ചു വിവാഹം കഴിച്ചതിലുള്ള ദുരഭിമാനം മൂലം കെവിന്റെ ബന്ധുക്കൾ തട്ടിക്കൊണ്ടു പോയി കൊലപ്പെടുത്തിയെന്നാണു കേസ്.
