വാഷിംഗ്ടണ്‍: പ്രശസ്ത അമേരിക്കന്‍ ഗായകന്‍ ക്രിസ് കോര്‍നെല്‍(52) ജീവനൊടുക്കി. ബുധനാഴ്ച വൈകുന്നേരം ഡെട്രോയോറ്റിലെ ഹോട്ടല്‍ മുറിക്കുള്ളില്‍ അദ്ദേഹത്തെ തൂങ്ങിമരിച്ച നിലയില്‍ കണ്ടെത്തുകയായിരുന്നു. ഫോക്സ് തിയേറ്ററില്‍ സ്വന്തം ബാന്‍ഡായ സൗണ്ട്ഗാര്‍ഡനൊപ്പം നടത്തിയ സംഗീത പരിപാടിക്ക് ശേഷമായിരുന്നു കോര്‍നെല്‍ ജീവനൊടുക്കിയത്. ബോണ്ട് ചിത്രമായ കാസിനോ റോയലിലെ യു നോ മൈ നെയിം’ എന്ന ടൈറ്റില്‍ സോംഗ് കോര്‍നെലിനെ യുകെയില്‍ ഏറെ പ്രശസ്തനാക്കിയിരുന്നു. യുഫോറിയ മോര്‍ണിംഗ്(1999), കാരിയോണ്‍(2007), സ്ക്രീം(2009), സോംഗ് ബുക്ക്(2011), ഹയര്‍ ട്രൂത്ത്(2015) തുടങ്ങിയവയാണ് കോര്‍നെലിന്‍റെ ആല്‍ബങ്ങള്‍. നിരവധി പുരസ്കാരങ്ങള്‍ നേടിയിട്ടുണ്ട്.
