കൊച്ചി: യൂത്ത് കോണ്‍ഗ്രസ്സ് നേതാവിനെ സ്വന്തം ജില്ലയില്‍ ഒരു കൂട്ടം ഗുണ്ടകള്‍ ക്രൂരമായി വെട്ടിക്കൊലപ്പെടുത്തിയിട്ടും മുഖ്യമന്ത്രിക്ക് എന്തുകൊണ്ടാണ് നിശബ്ദതയെന്ന് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍. ഹരിയാനയില്‍ ആരോ മരിച്ചപ്പോള്‍ കുടുംബത്തിന് സഹായധനം പ്രഖ്യാപിച്ച മുഖ്യമന്ത്രി മട്ടന്നൂരിലെ സംഭവം അറിഞ്ഞമട്ടില്ല. കണ്ണൂര്‍ ജില്ലയില്‍ സിപിഎം രാഷ്ട്രീയ കൊലപാതകങ്ങള്‍ നടത്തുന്നത് മുഖ്യമന്ത്രിയുടെ അറിവോടെ തന്നെയാണ്. സിപിഎം നേതാക്കള്‍ക്ക് ഇതില്‍ വ്യക്തമായ പങ്കുണ്ടെന്നും കുമ്മനം രാജശേഖരന്‍ ആരോപിച്ചു.
