തിരുവനന്തപുരം: കേരള ലോ അക്കാഡമി പ്രിന്‍സിപ്പല്‍ പി. ലക്ഷ്മി നായരെ പരീക്ഷാ ജോലികളില്‍ നിന്ന് അഞ്ചു വര്‍ഷത്തേയ്ക്കു ഡീ ബാര്‍ ചെയ്തു കൊണ്ടു കേരള സര്‍വകലാശാല പരീക്ഷ കണ്‍ട്രോളര്‍ ഉത്തരവിറക്കി. ലോ അക്കാഡമിയുടെ പ്രിന്‍സിപ്പല്‍ ചുമതലയില്‍ നിന്ന് ലക്ഷ്മി നായരെ അഞ്ചു വര്‍ഷത്തേയ്ക്കു മാറ്റി നിര്‍ത്തിയെങ്കിലും പരീക്ഷാ ജോലികളില്‍ ഒഴിവാക്കിയിട്ടില്ലെന്നു പരാതി ഉയര്‍ന്ന സാഹചര്യത്തിലാണ് സര്‍വകലാശാല ഉത്തരവിറക്കിയത്. വിദ്യാര്‍ഥികള്‍ക്കുള്ള ഇന്‍റേണല്‍ മാര്‍ക്ക് നല്‍കുന്നതിലും ടെസ്റ്റ് പേപ്പറുകളിലടക്കം ക്രമക്കേടു ബോധ്യപ്പെട്ട സാഹചര്യത്തിലും ക്രമക്കേടു നടന്നെന്നു സിന്‍ഡിക്കറ്റ് ഉപസമിതി കണ്ടെത്തിയ സാഹചര്യത്തിലാണു മൂന്നും അഞ്ചും വര്‍ഷ എല്‍എല്‍ബി കോഴ്സുകളുടെ പരീക്ഷ ചുമതലകളില്‍ നിന്ന് ഒഴിവാക്കുന്നതെന്ന് ഉത്തരവില്‍ പറയുന്നു.
