കൊച്ചി: കൊച്ചിയില്‍ പ്രഭാത സവാരിക്ക് ഇറങ്ങിയ രണ്ട് സ്ത്രീകള്‍ ഉള്‍പ്പെടെ 40 പേർ അറസ്റ്റില്‍. ലോക്ക് ഡൗണ്‍ നിര്‍ദേശങ്ങള്‍ ലംഘിച്ചതിന്റെ പേരിൽ കേരളാ എപ്പിഡെമിക്സ് ഡിസീസസ് ഓര്‍ഡിനന്‍സ് പ്രകാരമാണ് അറസ്റ്റ്.
പല തവണ വിലക്കിയിട്ടും തുടര്‍ച്ചയായ ദിവസങ്ങളില്‍ ഇവര്‍ പ്രഭാത സവാരിക്ക് ഇറങ്ങുകയായിരുന്നുവെന്ന് പോലീസ് വൃത്തങ്ങള്‍ വ്യക്തമാക്കി. പുതിയ ഓര്‍ഡിനന്‍സ് പ്രകാരം ആണ് പോലീസ് നടപടി. ഇതനുസരിച്ച്‌ പതിനായിരം രൂപ പിഴയും രണ്ട് വര്‍ഷം വരെ തടവും ലഭിക്കാം.പനമ്പള്ളി നഗർ വാക്ക് വേയില്‍ പ്രഭാത സവാരിക്ക് ഇറങ്ങിയവരെ ഡ്രോണ്‍ ഉപയോഗിച്ച്‌ നടത്തിയ പരിശോധനയിലൂടെയാണ് കണ്ടെത്തിയത്.
