കാസറഗോഡ് : തലപ്പാടിയിൽ വെച്ച് മംഗലാപുരം GAIL കമ്പനിയിലേക്ക് ജോലിക്കായി ഒരു വർഷം മുൻപ് മോട്ടോർ സൈക്കിളിൽ സഞ്ചരിക്കുക യായിരുന്ന വിമുക്ത ഭടൻ ഉദ്യാവർഗുത്തു സ്വദേശി ദിനേശ് (42 ) എന്നയാൾ 29. 3. 2021 നു പുലർച്ചെ 6 മണിക്ക് ലോറി ഇടിച്ചു മരണപ്പെട്ടു. ഇടിച്ചിട്ട ശേഷം നിർത്താതെ പോയ കർണ്ണാടക രജിസ്ട്രേഷൻ (KA 01 AF 3411 ) ലോറി ഓടിച്ചിരുന്ന തമിഴ്നാട് ട്രിച്ചി, സൂറംപട്ടി സ്വദേശിയായ ഡ്രൈവർ രാമചന്ദ്രൻ ഇന്നലെ രാവിലെ മഞ്ചേശ്വരം പോലീസ് പിടികൂടി .
ഹൈവേയിലൂടെ കടന്ന് പോയ നൂറ് കണക്കിന് വാഹനങ്ങളുടെ വിശദവിവരങ്ങൾ ശേഖരിച്ചാണ് ഇടിച്ച വാഹനത്തെയും ഡ്രൈവറെയും മഞ്ചേശ്വരം പോലിസ് തിരിച്ചറിഞ്ഞത്. സംഭവത്തിന് ശേഷം പ്രതി വാഹനം ഓടിച്ചിരുന്നു . കേരളത്തിലേക്ക് കടക്കുമ്പോൾ മറ്റ് ഡ്രൈവർമാരാണ് വാഹനം ഓടിച്ചിരുന്നത്.
മഞ്ചേശ്വരം ഇൻസ്പെക്ടർ എ.സന്തോഷ് കുമാർ , സീനിയർ സിവിൽ പോലിസ് ഓഫീസർ രാജേഷ് കിഴക്കും കര, സിവിൽ പോലിസ് ഓഫീസർ നാരായണൻ അമ്പലത്തറ എന്നിവരുടെ സമർത്ഥമായ അന്വേഷണത്തിലൂടെയാണ് ലോറിയെയും പ്രതിയെയും അറസ്റ്റു ചെയ്തത്
