വയനാട് : അന്യസംസ്ഥാന തൊഴിലാളികളെ ബന്ദികളാക്കിയെന്നത് തെറ്റായ പ്രചരണമാണെന്ന് മാവോയിസ്റ്റുകള്‍. പൊലീസ് തങ്ങള്‍ക്കെതിരെ ആരോപണങ്ങള്‍ ഉന്നയിക്കുന്നതാണെന്നും മാവോയിസ്റ്റുകള്‍ പറഞ്ഞു. തങ്ങള്‍ അന്യസംസ്ഥാന തൊഴിലാളികളെ ബന്ദികളാക്കിയിട്ടില്ല, അവരുടെ ജോലിയെക്കുറിച്ചും ജീവിത സാഹചര്യങ്ങളെക്കുറിച്ചും ചോദിച്ചറിയുക മാത്രമാണ് ചെയ്തിരിക്കുന്നതെന്നും മാവോയിസ്റ്റുകള്‍ വ്യക്തമാക്കി. അന്യസംസ്ഥാന തൊഴിലാളികളെ ബന്ദികളാക്കി കെട്ടിയിട്ടുവെന്ന തരത്തില്‍ വാര്‍ത്തകള്‍ എത്തിയിരുന്നു ഇതിനു പിന്നാലെയാണ് മാവോയിസ്റ്റുകള്‍ വിശദീകരണവുമായി രംഗത്തെത്തിയത്.
