ഇന്ദോര്‍: ബംഗ്ലദേശിനെതിരായ ഒന്നാം ക്രിക്കറ്റ് ടെസ്റ്റില്‍ മായങ്ക് അഗര്‍വാളിന് ഡബിള്‍ സെഞ്ചുറി. മായങ്കിന്റെ രണ്ടാമത്തെ ഡബിള്‍ സെഞ്ചുറിയാണ് ഇത്. നേരത്തെ ദക്ഷിണാഫ്രിയ്ക്ക് എതിരെ മായങ്ക് ഡബിള്‍ തികച്ചി രുന്നു. അഗര്‍വാള്‍ 310 പന്തില്‍ 210 റണ്‍സോടെയും രവീന്ദ്ര ജഡേഡ 42 പന്തില്‍ 13 റണ്‍സോടെയും ക്രീസി ലുണ്ട്. ബംഗ്ലാ ദേശിന്റെ ഒന്നാം ഇന്നിങ്സ് സ്‌കോറായ 150 റണ്‍സിനേക്കാള്‍ 225റണ്‍സ് മുന്നിലാണ് ഇന്ത്യ. 101 ഓവറുകള്‍ പിന്നിടുമ്ബോള്‍ നാല് വിക്കറ്റ് നഷ്ടത്തില്‍ 378 റണ്‍സ് എന്ന നിലയിലാണ് ഇന്ത്യ.
അര്‍ധ സെഞ്ചുറി തികച്ച അജിന്‍ക്യ രഹാനെയുടെ വിക്കറ്റാണ് ഇന്ത്യയ്ക്ക് അവസാനം നഷ്ടമായത്. 172 പന്തില്‍ ഒന്‍പത് ഫോര്‍ അടക്കം 86 റണ്‍സ് എടുത്ത രഹാനെയെ അബു ജായെദാണ് പുറത്താക്കിയത്. ബംഗ്ലാദേശിന്റെ ഒന്നാം ഇന്നിങ്സ് സ്‌കോറായ 150 റണ്‍സിനേക്കാള്‍ 178 റണ്‍സ് മുന്നിലാണ് ഇന്ത്യ. അഗര്‍വാള്‍ 271 പന്തില്‍ 170 റണ്‍സോടെയും രവീന്ദ്ര ജഡേഡ 14 പന്തില്‍ 6 റണ്‍സോടെയും ക്രീസിലുണ്ട്.ക്യാപ്റ്റന്‍ വിരാട് കോലി പൂജ്യത്തിനു പുറത്തായെങ്കിലും ചേതേശ്വര്‍ പൂജാര അര്‍ധ സെഞ്ചുറി നേടി. 68 പന്തില്‍നിന്ന് അര്‍ധസെഞ്ചുറി കുറിച്ച പൂജാര തൊട്ടുപിന്നാലെ പുറത്തായി. തന്റെ 23- ാം ടെസ്റ്റ് അര്‍ധസെഞ്ചുറിയാണ് പൂജാര ഇന്ദോറില്‍ നേടിയത്.
മായങ്ക് അഗര്‍വാള്‍ തന്റെ നാലാം അര്‍ധ സെഞ്ചുറി തികച്ചു.രണ്ടാം ദിനം ക്യാപ്റ്റന്‍ വിരാട് കോലി പൂജ്യത്തിനു പുറത്തായിരുന്നു. രണ്ടു പന്തു മാത്രം നേരിട്ട കോലിയെ ബംഗ്ലദേശ് താരം അബു ജായെദാണ് അക്കൗണ്ട് തുറക്കും മുന്നേ പുറത്താക്കിയത്. ജായെദിന്റെ പന്തില്‍ വിക്കറ്റിന് മുന്നില്‍ കുരുങ്ങിയാണ് കോലി പുറത്തായത്. 72 പന്തില്‍ ഒന്‍പതു ഫോര്‍ സഹിതം 54 റണ്‍സെടുത്ത പൂജാരയെയും അബു ജായെദാണ് പുറത്താക്കിയത്. നേരത്തെ ആദ്യ ദിനത്തില്‍ വീണ രോഹിത് ശര്‍മയുടെ വിക്കറ്റും ജായെദിനായിരുന്നു. ഇതോടെ ഇന്ത്യന്‍ ഇന്നിങ്‌സില്‍ നഷ്ടമായ നാല് വിക്കറ്റുകളും ജായേദ് സ്വന്തമാക്കി. ഒന്നിന് 86 റണ്‍സെന്ന നിലയില്‍ രണ്ടാം ദിനം ബാറ്റിങ് പുനഃരാരംഭിച്ച ഇന്ത്യയ്ക്ക് മികച്ച തുടക്കമാണ് പൂജാരയും അഗര്‍വാളും ചേര്‍ന്ന് നല്‍കിയത്.
68 പന്തില്‍ ഒന്‍പതു ഫോര്‍ സഹിതമാണ് പൂജാരയുടെ അര്‍ധസെഞ്ചുറി. അര്‍ധസെഞ്ചുറി പൂര്‍ത്തിയാക്കി നാല് റണ്‍കൂടി കൂട്ടിച്ചേര്‍ത്ത് പൂജാര മടങ്ങി. 73 പന്തില്‍ ഒന്‍പതു ഫോര്‍ സഹിതം 54 റണ്‍സെടുത്ത പൂജാരയെ ജായെദ് സയ്ഫ് ഹസ്സന്റെ കൈകളില്‍ എത്തിച്ചു. പിന്നാലെ മായങ്ക് അഗര്‍വാളും അര്‍ധസെഞ്ചുറി പിന്നിട്ടു. 98 പന്തില്‍ ഒന്‍പതു ഫോറുകള്‍ സഹിതമാണ് അഗര്‍വാളും 50 കടന്നത്. അഗര്‍വാളിന്റെ ടെസ്റ്റിലെ നാലാം അര്‍ധസെഞ്ചുറിയാണ് ഇന്ദോറില്‍ പിറന്നത്.നേരത്തെ ഒന്നാം ഇന്നിങ്‌സില്‍ ദയനീയമായ ബാറ്റിങ് തകര്‍ച്ചയാണ് ബംഗ്ലാദേശിന് നേരിട്ട്. ടോസ് നേടി ബാറ്റിങ് തിരഞ്ഞെടുത്ത സന്ദര്‍ശകര്‍ ഒന്നാം ദിനം തന്നെ ഓള്‍ഔട്ടായി. ഇന്ത്യന്‍ ബൗളര്‍മാരെ നേരിട്ട് തകര്‍ന്ന ബംഗ്ലാദേശിന് 58.3 ഓവറില്‍ 150 റണ്‍സ് മാത്രമാണ് നേടാനായത്.
മൂന്നു വിക്കറ്റ് വീഴ്ത്തിയ മുഹമ്മദ് ഷമി, രണ്ടു വിക്കറ്റ് വീതമെടുത്ത ഇഷാന്ത് ശര്‍മ, ഉമേഷ് യാദവ്, ആര്‍. അശ്വിന്‍ എന്നിവരാണ് സന്ദര്‍ശകരെ തകര്‍ത്തത്.43 റണ്‍സെടുത്ത മുഷ്ഫിഖുര്‍ റഹീമും 37 റണ്‍സെടുത്ത ക്യാപ്റ്റന്‍ മോമിനുല്‍ ഹഖും മാത്രമാണ് ഇന്ത്യന്‍ ബൗളര്‍മാര്‍ക്കെതിരേ അല്‍പ്പമെങ്കിലും പിടിച്ചുനിന്നത്. ഷദ്മാന്‍ ഇസ്ലാം (6), ഇമ്രുള്‍ കൈസ് (6), മുഹമ്മദ് മിഥുന്‍ (13), ലിട്ടണ്‍ ദാസ് (21), മഹ്മദുള്ള (10), മെഹ്ദി ഹസന്‍ (0), തൈജുള്‍ ഇസ്ലാം (1), ഇബാദത്ത് ഹുസൈന്‍ (2) എന്നിവരാണ് പുറത്തായ താരങ്ങള്‍.
