കാസർഗോഡ്: എം.സി. കമറുദ്ദീൻ എംഎൽഎയെ യുഡിഎഫ് കാസർഗോഡ് ജില്ലാ ചെയർമാൻ സ്ഥാനത്തുനിന്ന് നീക്കി. സി.ടി. അഹമ്മദലിയാണ് പുതിയ ചെയർമാൻ.സ്ഥാനം ഒഴിയാൻ നേരത്തേ തന്നെ കമറുദ്ദീൻ താൽപ്പര്യം പ്രകടിപ്പിച്ചിരുന്നതായാണ് അറിയുന്നത്. പുനസംഘടനയെത്തുടർന്നാണ് മാറ്റം.
ജോസഫ് വിഭാഗത്തിലെ മോൻസ് ജോസഫാണ് കോട്ടയം ജില്ലയിലെ പുതിയ യുഡിഎഫ് ചെയർമാൻ. കേരളകോൺഗ്രസ് എമ്മിൽ നിന്ന് പത്തനംതിട്ട ജില്ലയിലെ ചെയർമാൻ സ്ഥാനം കോൺഗ്രസ് ഏറ്റെടുത്തിട്ടുണ്ട്. പാലക്കാട് ജില്ലയിലെ ചെയർമാൻ സ്ഥാനവും ആലപ്പുഴ ജില്ലയിലെ കൺവീനർസ്ഥാനവും ഒഴിച്ചിട്ടിരിക്കുകയാണ്.
