ശ്രീനഗര്‍: ലോക്സഭാ തെരഞ്ഞെടുപ്പ് പോരാട്ടത്തിന് ജമ്മുകാഷ്മീര്‍ മുന്‍ മുഖ്യമന്ത്രി മെഹബൂബ മുഫ്തിയും. പിഡിപി നേതാവ് മെഹബൂബ അനന്ത്നാഗ് മണ്ഡലത്തില്‍നിന്നും മത്സരിക്കും. ശ്രീനഗറില്‍നിന്ന് ആഗാ മൊഹാസിനും മത്സരിക്കും. എന്നാല്‍ ജമ്മു, ഉധംപുര്‍ സീറ്റുകളില്‍ പിഡിപി മത്സരിക്കില്ല. മതനിരപേക്ഷ വോട്ടുകള്‍ ഭിന്നിച്ചുപോകാതിരിക്കുന്നതിനാണ് ഈ സീറ്റുകളില്‍ മത്സരിക്കാത്തതെന്ന് പിഡപി അറിയിച്ചു.
ബാരാമുള്ളയിലും പാര്‍ട്ടി സ്ഥാനാര്‍ഥി മത്സരിക്കും. എന്നാല്‍ ലെഡാക് മണ്ഡലത്തില്‍ മത്സരിക്കുന്നതിലും തീരുമാനമായിട്ടില്ല. സംസ്ഥാനത്തെ ആറ് മണ്ഡലങ്ങളില്‍ അഞ്ച് ഘട്ടങ്ങളിലായാണ് തെരഞ്ഞെടുപ്പ് നടക്കുന്നത്. ഏപ്രില്‍ 11 ന് ആദ്യ ഘട്ട തെരഞ്ഞെടുപ്പ് നടക്കും. ബാരാമുള്ളയിലും ജമ്മുവിലും ആദ്യഘട്ടത്തിലാണ് തെരഞ്ഞെടുപ്പ്. ശ്രീനഗറിലും ഉധംപുരിലും രണ്ടാം ഘട്ടത്തിലും തെരഞ്ഞെടുപ്പ് നടക്കും. അനന്ത്നാഗ് നാലാം ഘട്ടത്തിലും ലെഡാക്കില്‍ അഞ്ചാം ഘട്ടത്തിലുമാണ് തെരഞ്ഞെടുപ്പ്.
